REUNION LUVAS VERDES.

A Concellería de Medioambiente impulsou un programa de voluntariado ambiental chamado “LUVAS VERDES” que busca a concienciación e implicación da veciñanza no respeto e coidado dos espazos públicos.

Os espazos públicos como os parques, as contornas das igrexas, os campos da festa, as áreas de recreo, os centros culturais e deportivos… son lugares de paso, de encontro entre persoas e de relación entre veciños e veciñas. O mantemento destes espazos como por exemplo, reparar as desfeitas ou arranxar o mobiliario urbano estragado, correspóndelle ao  concello, pero é responsabilidade de todos os usuarios e usuarias conservalos.

Con estas premisas no pensamento, queremos convocar a todas as asociacións do concello a unha reunión  para impulsar, organizar e coordinar este programa de voluntariado ambiental e así conseguir entre todos crear un proxecto o máis axustado posible a realidade do concello e da veciñanza.

Cando?: O XOVES 17 DE XULLO ÁS 20:30 NA CASA DO CONCELLO

NON FALTEDES!!!