NADAL EN FAMILIA

FESTIVAL DE NADAL DE CORAIS

MERCADIÑO DE TROCO DE XOGUETES NA LUDOTECA

CAMBIA (AS) COUSAS

A Ludotecavaise converter maña día 23 de decembro nunha experiencia de troco de xoguetes, onde os nenos e nenas van traer os xoguetes que xa non utilizan para que os gocen outros nenos e nenas.

Esta será unha experiencia onde educarse na reciclaxe e o consumo responsable.

CONCERTO DE NADAL

FELICES FESTAS!!!!!!!!!!

III TROFEO DE NADAL

FESTIVAL DE NADAL DA ESCOLA DE MUSICA DE SANTA CRUZ DE RIBADULLA

NADAL... EN FAMILIA

PRESENTACIÓN DO LIBRO "ELOS DE CINZA"

MESA REDONDA: A FISCALIDADE NAS ASOCIACIÓNS

MONOGRÁFICOS DE ARTES PLÁSTICAS: DECORACIÓN DE NADAL

OBRADOIRO DE ELABORACION ARTESANAL DE LICORES CASEIROS

ESTILANDO EVENTOS

Os departamentos de protocolo, turismo e emprego do Concello de Vedra organizan un “show room”  para poñer en valor as potencialidades de Vedra no sector dos eventos, que terá lugar os días 7 e 8 de novembro no Pazo de Vista Alegre en Ponte Ulla.

Sendo este un municipio pequeno, de aproximadamente 5100 habitantes, conta cun tecido empresarial ben estruturado e en aumento,  relacionado co sector de eventos e celebracións. Baixo esta premisa e convencidos do potencial artístico e emprendedor destes negocios impulsamos esta iniciativa co obxectivo de servir como escaparate e dar a coñecer estas potencialidades de Vedra.

Tratarase dun show room ou  exposición temporal de empresas relacionadas co sector dos eventos (vodas, bautizos, aniversarios,…) e dirixida a calquera persoa que estea planificando ou organizando unha celebración, que vaia de invitado/a ou que teña interese e curiosidade.

Pretendemos ofrecer unha mostra aberta e dinámica, un lugar de intercambio de experiencias entre empresarios e clientes onde coñecer as novidades e produtos das diferentes empresas expositoras.

Contaremos con florarías, perruquerías, empresas de organización de eventos, traxes de noiva, traxes de noivo, vestidos de festa, agasallos, restauración,... todo o necesario para calquera celebración.

Durante toda a fin de semana contaremos con  diversas actividades como actuacións musicais, animacións infantís,  e diversas demostracións das empresas participantes. Tamén o domingo contaremos cun desfile de vestidos de noiva, traxe de noivo, vestidos de comunión, de cerimonia, de festa,...

Non o podes perder achégate a “Estilando eventos”!!!!!!!!!!!!!!!!!!!!!

I CONCURSO DE TARXETAS DE NADAL

O departamento de Cultura do Concello de Vedra propón o seu I concurso de tarxetas de nadal 2015.

BASES DO CONCURSO:

CONCURSANTES:

Poderán participar todos os nenos e nenas da comunidade educativa de Vedra e tamén todos os nenos e nenas empadroados neste concello nas idades comprendidas neste concurso.

*Cada concursante só poderá participar con unha tarxeta.

* Cada tarxeta deberá ter un único creador ou creadora.

CONDICIÓNS:

As tarxetas serán realizadas nunhas dimensións de 15 x 21 cm (Din A5 / medio folio) e coa única temática do nadal (entendida libremente por cada unha das persoas participantes) As mesmas deberán ser inéditas e reflectir unicamente a creatividade do autor ou autora.

No reverso deberán figurar os seguintes datos:

* nome, apelidos, idade, centro escolar e teléfono de contacto.

E ademais cuberta e asinada a seguinte autorización:

Don/Dna.________________________________________________________ con DNI _________________, como pai/nai ou titor/ra da persoa participante, autorizo a que participe no I Concurso de Tarxetas de Nadal 2015 segundo as bases do dito concurso co cal estou conforme.

Sinatura,

CATEGORÍAS E PREMIOS:

 Categoría PREESCOLAR (persoas nadas despois do 2011)

 Categoría INFANTÍL ESCOLAR (persoas nadas en 2010 – 2011)

 Categoría 1º E 2º DE PRIMARIA (persoas nadas en 2008-2009)

 Categoría 3º E 4º DE PRIMARIA (persoas nadas en 2007- 2006)

 Categoría 5º E 6º DE PRIMARIA (persoas nadas en 2005 – 2004)

PREMIOS:

* Haberá un premio ao mellor traballo de cada categoría.

* De entre todos os traballos recibidos un xurado elixirá a tarxeta que se empregará como felicitación oficial do Concello de Vedra no Nadal de 2015.

*Todos os traballos recibidos serán expostos na Casa das Artes de Vedra “Chousa do Cotiño” durante a súa programación de Nadal.

PRAZO DE ENTREGA:

As tarxetas deberán presentarse no Departamento de Cultura do Concello de Vedra

ANTES DO 20 DE NOVEMBRO

*Os traballos poden presentarse ben en persoa en horario de luns a venres de 9.30 a 14 h, ou na seguinte dirección postal:

Concello de Vedra

Avda Mestre Manuel Gómez, 1

15885 Vedra

A Coruña

ACEPTACIÓN DAS BASES:

O concello de Vedra reservase o dereito de resolver, como considere oportuno, cantas cuestións poidan xurdir da aplicación das presentes bases. Así como as persoas participantes, polo feito de selo aceptan as presentes bases.

TODA A INFORMACIÓN E BASES Á TÚA DISPOSICIÓN:

No Departamento de Cultura do Concello de Vedra Tel: 981 814 691 /cultura@concellodevedra.com | www.concellodevedra.com

CHARLA INFORMATIVA SOBRE O PROGRAMA DE GARANTÍA XUVENIL

O Concello de Vedra, en colaboración coa Xunta de Galicia, organiza unha charla co obxectivo de informar a mozos e mozas de entre 16 e 29 anos, que actualmente non esten traballando nin recibindo educación ou formación, sobre as posibilidades que lle achega este programa. 

CONCURSO VEDRA DE TAPAS

Durante dúas fins de semana 12 establecementos de Vedra acolleron esta iniciativa que mesturaba interese turístico, gastronómico e tamén a intención de ser unha aposta diferente!!

Co bo sabor de boca  que deixou tanto en hostaleiros, coma na organización e persoas participantes presentamos os resultados do concurso:

1ª MENCION Á MELLOR TAPA: Cabra ao estilo de “Barcia” (Bar Barreiro)
2ª MENCIÓN A MELLOR TAPA: E de segundo postre (Bar Barreiro)
3ª MENCION A MELLOR TAPA: Tenrreira con salsa de champiñóns e castañas (O Fogar do avó)

Relación de agasallos entre os participantes no concurso:

Para cartillas con un mínimo de 5 selos:

-Unha cea para dúas persoas nun dos restaurantes do concello: Emilio Clemente González (Santa Cruz de Ribadulla)

-Un lote de produtos locais: Sandra Mouriño Tejo (Milladoiro, Ames)

-1 tarxeta regalo por valor de 50€ para gastar nalgún dos establecementos do concello: Alberto Insua Barros (San Fins de Sales)

Para cartillas con un mínimo de 8 selos:

-Unha “Escapada Termal” con estanza para dúas persoas con almorzo incluído, circuito termal…: Manuel Aldariz Martinez (Ponte de Sarandon)

-100 €: Miriam Sanin Peillet (Vedra)

Para cartillas con todos os selos sorteouse un premio en metálico de 200,00€ entre os participantes resultando gañador José Maria Barrio (Santa Cruz de Ribadulla).

E no concurso fotografico, resultou gañadora  dun lote de productos locais, a foto de grupo remitida por: Manuel Garcia Torre (Santa Cruz de Ribadulla)

ESPAZO ACTIVO: PASABODEGHAS

RAFTIN NO RÍO DEZA

MONOGRÁFICOS DE ARTES PLÁSTICAS: DECORACIÓN INFANTIL

VEDRA DE TAPAS 2015

O concello de Vedra en colaboración cos establecementos de hostalería asociados á marca “Tabernas da Ulla” organiza o Roteiro - Concurso “Vedra de Tapas”, os días 9, 10, 11, 12, 16, 17 e 18 de outubro de 2015 co obxectivo de promover a restauración local.

Bases:

1) ÁMBITO DE PARTICIPACIÓN: o roteiro - concurso “Vedra de Tapas”, correspondente a 2015, ten ámbito xeográfico circunscrito aos límites do Concello de Vedra, podendo participar no mesmo calquera establecemento do municipio, pertencente á marca “Tabernas da Ulla”.

2) OBXECTO DE PARTICIPACIÓN: O establecemento participante deberá elaborar como máximo dúas tapas, sendo os ingredientes de libre elección, a un prezo de venta ó público de 1,50 € cada tapa.
Tapa + albariño: Se os clientes degustan unha tapa acompañada por un viño albariño das adegas locais; Subzona Ribeira do Ulla-D.O. Rías Baixas, o prezo de venta ó público será de 3,00 €

3) INSCRICIÓN: A inscrición no roteiro - concurso é gratuíta para tódolos establecementos.

4) DIFUSIÓN E MATERIAL DE PARTICIPACIÓN: O Concello de Vedra distribuirá entre a hostalería participante cartelería e cartillas de puntuación. Os hostaleiros terán unha urna para que os clientes depositen as súas cartillas.
Estas cartillas de participación estarán a disposición dos clientes nos locais participantes ou na Casa do Concello.
Así mesmo, contarase con difusión do roteiro-concurso no facebook, no blog e na páxina web municipais.

5) MODO E PERIODO DE PARTICIPACIÓN: as tapas presentadas a concurso deberán estar anunciadas, expostas de forma destacada, así como a disposición do público consumidor nun número suficiente e razoable de unidades ou porcións, os días 9, 10, 11, 12, 16, 17, 18 de outubro de 2015, en
horario de 12:00 a 15:00 h. e de 19:00 a 22:30 h.
(Horarios: Venres: noite / Sábados, domingos e festivo: mediodía e noite)
Asimesmo, os establecementos concursantes deberán ter exposto en lugar visible o cartel anunciador do concurso e a urna para depositar as papeletas do concurso.

6) MODALIDADE DE VOTACIÓN: cando un cliente deguste unha tapa presentada a concurso, o establecemento participante deberá selarlle a cartilla de votación, na casilla correspondente ó seu establecemento.
Os clientes poden votar tódalas tapas ou parte delas, dándolle a puntuación que consideren: de 0 (mal) a 5 (excelente).
Para entrar no concurso de tapas as cartillas teñen que ter os selos de como mínimo 5 establecementos
Outorgaranse un 1º, 2º e 3º premio ás mellores tapas.

7) SORTEOS E AGASALLOS:
Para entrar no sorteo dos diferentes agasallos será preciso:
Ter os datos cubertos e lexibles na cartiña de votación e depositala en calquera das urnas nos establecementos hostaleiros participantes ou na Casa do concello de Vedra.
As papeletas terán que estar depositadas o domingo 18 de outubro de 2015 ás 23:00h. como data tope para participar no sorteo e ser válidas para o reconto.

OS AGASALLOS A SORTEAR ENTRE OS CLIENTES PARTICIPANTES NO CONCURSO SON:
Quen cubra a cartilla cos selos de como mínimo 5 establecementos participará nos sorteos de:
-Unha cea para dúas persoas nun dos restaurantes do concello.
-Un lote de produtos locais.
-1 tarxeta regalo por valor de 50€ para gastar nalgún dos establecementos do concello.

Quen cubra a cartilla cos selos de como mínimo 8 establecementos participará nos sorteos de:
-Unha “Escapada Termal” con estanza para dúas persoas con almorzo incluído, circuito termal…
-100 €

Quen cubra a cartilla cos selos dos 12 establecementos participantes entrará no sorteo de 200 €
Para os agasallos de grupo:
Considerarase grupo o formado por 5 ou máis persoas.
Realizarase un CONCURSO FOTOGRÁFICO:
A foto terá que mostrar que se está facendo a ruta “Vedra de Tapas”.
Haberá que enviala a casadospeons@concellodevedra.com, e pasará un filtro de valoración e se é admitida subirase ao Facebook do concello de Vedra. A foto máis votada será a gañadora, sempre e cando cumpra os requisitos esixidos para a participación.
Premio: Un lote de produtos locais.

8) RECOLLIDA DE VOTOS: Os hosteleiros participantes entregarán o martes 20 de outubro de 2015 as urnas na Casa do Concello, e farase o reconto de votos de 12:00 a 14:00 h.
Non será válida ningunha urna que non manteña intacto o seu precinto. Non será válida ningunha papeleta que non cumpra os requisitos esixidos.

9) RESOLUCIÓN E AGASALLOS: O 22 de outubro de 2015, daranse a coñecer as tapas gañadoras na Casa do Concello.
Así mesmo farase a entrega dos agasallos ós gañadores/as no sorteo levado a cabo o mesmo día do reconto.
O ganador autoriza ó Concello de Vedra a reproducir e utilizar o seu nome, apelidos e imaxe, en calquera actividade pública e promocional, relacionada co concurso no que resultou gañador, sen que esta utilización lle confira dereito de remuneración ou beneficio algún con excepción feita da entrega do premio.

10) RECLAMACIÓNS: O período de reclamación sobre o resultado do concurso e sorteos finalizará transcorridos dez(10) días naturais desde a data de publicación dos resultados de cada un dos sorteos.

11) ACEPTACIÓN DAS BASES: a participación no Roteiro – Concurso “Vedra de Tapas” implica a aceptación das súas bases, así como a resolución do mesmo.

12) MODIFICACION DE BASES E SUSPENSIÓN DO SORTEO: o Concello de Vedra, resérvase o dereito a suspender, aprazar ou cancelar o presente sorteo en calquera momento anterior ao comezo do mesmo, sempre que existan causas que así o xustifiquen, así como a modificar as presentes bases,
comprometéndose a comunicar as novas bases, condicións, suspensión, aprazamento ou cancelación, no seu caso.

13) RESPONSABILIDADES ALLEAS: En ningún caso o Concello de Vedra será responsable dos servizos que calquera outra entidade coa que esta colabore,preste.

14) DEPÓSITO: As presentes bases aparecerán recollidas e dispoñibles ó público na páxina Web “www.concellodevedra.com”.

15) XURISDICCIÓN: Para o coñecemento de calquera litixio que puidese suscitarse en canto á interpretación ou aplicación das presentes Bases, tanto o Concello de Vedra como os participantes no roteiro-concurso, sométense expresamente á xurisdición e competencia dos Xulgados e Tribunais de
Santiago, con renuncia expresa a calquera outro foro que puidese
corresponderlles.

DESEÑO GRÁFICO

Este venres ás 20.00 horas no Telecentro de Vedra comeza o Curso de "Deseño Gráfico: Photoshop e Illustrator".


Quedan tres prazas, estas interesado?


Se queres anotarte chama ao Departamento de Cultura, 981814691

OBRADOIRO DE COSTURA

A partir de mañá todos os mércores de 18:00 a 20:00 horas terá lugar un OBRADOIRO DE COSTURA trimestral na Casa das Artes (antigo Museo Paz Camps).
Aínda estás a tempo de anotarte, quedan tres prazas dispoñibles.

REFORMA DO TELLADO DO PAVILLÓN

No mes de outubro vanse a realizar as obras de reforma do tellado do pavillón polideportivo. Por este motivo as actividades deportivas que se desenvolven na pista central, e todas as actividades deportivas para a idade escolar quedan  suspendidas ata que rematen estas obras. Seguirá aberto o ximnasio e comezarán con normalidade as actividades deportivas de adultos, non afectadas por estas obras.

Agradecendo de antemán a vosa compresión ante unha obra amplamente demandada e necesaria lamentamos as molestias que poidamos ocasionar.

XORNADAS CULTURAIS SOBRE MICOLOXÍA

A asociación medioambiental Amabul coa colaboración do concello de Vedra e o financiamento da Deputación da Coruña organiza as Xornadas culturais sobre a micoloxía do 25 de setembro ao 11 de outubro de 2015 no Centro Social de Vedra.

PATIO 2015

OS AXÓUXERES. Encontros para a xente miúda da casa

Chega a Vedra un novo espectáculo infantil da Rede de Dinamización Lingüística da Xunta de Galicia.

Trátase dunha actividade para a rapazada dos 0 aos 6 anos que o 26 de setembro fará do Museo de San Fins o escenario desta festa da música, dos xogos e das palabras.

CHAMA AO TELÉFONO 697 363 089 DO 21 AO 25 DE SETEMBRO EN HORARIO DE 10 A 13 H PARA FACER A TÚA RESERVA (A ENTRADA É DE BALDE CON RESERVA)

I Xornadas de Desenvolvemento Sociocumunitario e Educación Ambiental

O 19 de setembro de 2015 terán lugar na Casa de Cultura de Santa Cruz de Ribadulla as I Xornadas de Desenvolvemento Sociocumunitario e Educación Ambiental.

OBRADOIRO DE CONSERVAS CASEIRAS

II LABORATORIO TEATRAL DE VEDRA

LTV ou como aprender a facer teatro no rural

A actriz e narradora Sherezade Bardají, o técnico Xacobe Castro e o actor Alfonso Romeo imparten tres obradoiros de creación, montaxe e medios no teatro. É o II Laboratorio Teatral de Vedra, que se celebra no concello coruñés durante dúas fins de semana de setembro.

É o segundo ano que o Colectivo Vedramáticos celebra o seu Laboratorio, unha actividade respaldada e financiada pola Xunta de Galicia. Desta volta os talleres desenvólvense os días 12, 13, 18 e 19 de setembro.

O LTV deste ano céntrase en tres áreas. Tres obradoiros dirixidos por profesionais de referencia no panorma cultural galego:

- Xacobe Castro imparte o Obradoiro de Medios Técnicos. Castro formou parte do equipo técnico do Grupo Chévere e nos últimos anos ten traballado con Os Quinquilláns, Fantoches Baj e nesta
última tempada na produción galego-brasileira "Pangeia" de Limiar Teatro

- Sherezade Bardají é a responsable do Obradoiro de Creación Colectiva. Ela é actriz e narradora. Traballou na compañía galega Os Quinquilláns e formouse na Escola Superior de Cinema i Audiovisuals de Catalunya, comunidade onde agora desenvolve a súa labor de narradora.

- Alfonso Romeo falará sobre Montaxe Teatral. Escollémolo a el polo seu bagaxe multidisciplinar (actor e técnico teatral) en compañías galegas como Nut Teatro, Volta e dálle ou os Quinquilláns, así
como pola súa formación en dirección de actores pola ESCAC.

O alumnado participará en tódolos obradoiros co fin de conseguir unha visión integral do proceso creativo.

As inscripcións para esta segunda edición do Laboratorio Teatral de Vedra están abertas ata o día 10 de setembro.

É una actividade para mozas e mozos de entre 16 a 30 anos e apuntarse é gratuíto! Só hai que escribirnos ao noso mail (vedramaticos@gmail.com) e cubrir a folla de inscrición facilitada.

Contacto: Dane García - 625 99 29 59

CURSOS DE POSTA A PUNTO: EDICIÓN DE VIDEO

CURSOS DE POSTA A PUNTO: DESEÑO GRÁFICO

FESTA DAS DORES EN VEDRA

Axudas para a adquisición de material escolar

A Consellería de Cultura, Educación e Ordenación Universitaria publicou no Diario Oficial de Galicia a orde de convocatoria das axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.

As nais e pais poderán solicitar a axuda no centro no que estean escolarizados os seus fillos onde, unha vez constatado o cumprimento dos requisitos, se lles facilitará un vale de 50 euros por neno/a  que poderán consumir nos establecementos adheridos ao programa é o 31 de outubro de 2015. Estas bolsas serán complementarias ao uso do fondo público de libros de texto ou ás axudas á adquisición de libros de texto, segundo sexa o caso.

O prazo de presentación de solicitudes será dun mes contado a partir do día 2, e iranse tramitando a medida que se vaian presentando, co fin de emitir canto antes e no menor tempo posible os vales. Os requisitos poden consultarse no DOG, no enlace http://www.xunta.es/dog/Publicados/2015/20150901/AnuncioG0164-240815-0002_gl.html .

Máis información: http://www.edu.xunta.es/web/node/15357

24 CARREIRA POPULAR DO GUNDIÁN

A do Gundián é unha carreira popular de percorrido curto pero esixente, que transcorre polas dúas beiras do río Ulla, entre as provincias da Coruña e Pontevedra. A proba arranca na ponte vella, unha construción de finais do XVIII pola que pasaba no seu día o viño de Ribeiro camiño de Santiago e que hoxe empregan os peregrinos que seguen a Vía da Prata.

DATA: 13 de setembro ás 10:30 h.

Toda a información e inscricións en: www.gundian.gal

SANTIAGUIÑO 2015

PROGRAMA DE ACTIVIDADES CULTURAIS E DEPORTIVAS

Bótalle un ollo ao novo programa de actividades!!!!!!!!!!!!

Xa o podes descargar no seguinte enlace:
http://www.concellodevedra.com/ficheiros/vedraActividades2015.pdf

NOVA DATA PARA TODOCOSMOS

IX RUTA CABALAR DO SANTIAGUIÑO

TERRACEO DE VERÁN

CINE DE VERÁN. CREBINSKY EN PONTE ULLA

VI CONCENTRACIÓN DE ESPANTALLOS

XVIII Concentración Moteira do Val do Ulla

INSCRIBETE AQUI

XVIII EDICIÓN BAIXADA PEDESTRE DO PICO SACRO

O Sábado 22 de agosto ás 18 h

A Asociación de veciños de Vilanova  recuperan a baixada pedestre do Pico Sacro.

Fano como era tradición en torno á programación das Festas do Santiaguiño.

A inscrición estará aberta ata o 19 de agosto neste blog / vedraconecta.blogspot.com

Botalle un ollo ao cartel e participa!!

Está pensada para todas as idades !!

Mira aquí a ruta.

http://es.wikiloc.com/wikiloc/view.do?id=10472445

TODOCOSMOS EN VILANOVA

FESTAS DE SAN FINS 2015